O Proxecto GERÊS – XURÉS DINÁMICO está cofinanciado  ao 75% polo Fondo Europeo de Desenvolvemento 

Ficha resume do proxecto:

Custo total elixible do proxecto: 1.971.901,57 €.

Porcentaxe financiado polo FEDER: 75% (1.478.926,17 €)

Área de cooperación: Galicia – Norte de Portugal.

Eixe prioritario: crecemento sostible a través dunha cooperación transfronteiriza pola prevención de riscos e a mellora da xestión dos recursos naturais.

Obxectivo temático: conservar e protexer o medio ambiente e promover a eficiencia dos recursos.

Prioridade de inversión: protección e o restablecemento da biodiversidade e do chan e o fomento dos servizos dos ecosistemas, inclusive a través de Natura 2000 e de insfraestruturas ecolóxicas.

Obxectivo específico: mellorar a protección e xestión sostible dos espazos naturais.

Obxectivo xeral: Fortalecer a entidade e identidade propia da RBTGX mediante o fomento da participación activa dos actores do territorio, a promoción do seu desenvolvemento económico e turístico sostible e a protección e conservación do seu patrimonio natural e cultural.

Socios do proxecto:

• Dirección Xeral de Conservación da Natureza (Xunta de Galicia).
• Deputación de Ourense.
• Axencia de Turismo de Galicia (Xunta de Galicia).
• ADERE Peneda – Gerês.
• Câmara Municipal de Melgaço.
• Município de Ponte da Barca.
• Câmara Municipal de Terras de Bouro.
• Município de Montalegre.
• Município de Arcos de Valdevez.
• Associação Regional de Desenvolvimento do Alto Lima (ARDAL).
• Instituto de Conservação da Natureza e das Florestas (ICNF).
• Turismo do Porto e Norte de Portugal(TPNP).
• Comissão de Coordenação e Desenvolvemento Rexional do Norte (CCDR-N).

Actuacións contempladas no proxecto:

1. “Actividade 1 – a RBTGX para os seus habitantes”.

Sensibilización da poboación local sobre os valores patrimoniais e medioambientais do medio que habitan, implicándoos na súa conservación, mediante talleres de sensibilización e traballos de recuperación, posta en valor e difusión do patrimonio etnográfico e inmaterial.

Capacitación da poboación local en materias relacionadas co aproveitamento económico sostible dos recursos endóxenos.

Aproveitamento económico mediante a creación dun rexistro de produtores da Reserva da Biosfera para  unha etiqueta distintiva de orixe.

2. “Actividade 2 – a RBTGX para os seus visitantes”.

Ordenación, creación de produto, dinamización das portas: posta en marcha das 6 Portas do Xurés, posta en valor do xacemento Aquis Querquennis, posta en valor megalistismo da Serra do Xurés e da Serra do Leboreiro, sinalización, congresos, etc.

3. “Actividade 3 – a RBTGX para os escolares”.

Programa de educación ambiental e patrimonial, visitas de grupos de escolares á Reserva da Biosfera.

4. “Actividade 6 – comunicación”.

Organización congresos, sinalización de accesos por estrada á Reserva da Biosfera, mellora da Web “Portas do Xurés”, para inclusión en Portal Web da RBTGX, publicidade das actuacións do proxecto.

Resultados:

• Mellora da calidade de vida da poboación local.
• Incremento da capacidade de atracción turística, económica e demográfica do territorio.
• Mellora da calidade dos servizos e produtos comercializados.
• Incremento da sensibilización e mellora do coñecemento sobre a RBTGX entre a poboación local e a nivel rexional, nacional e internacional.
• Mellora do estado de conservación e protección do patrimonio natural e cultural.
• Mellora das condicións de accesibilidade, sinalización e ambientais.
• Harmonización dos instrumentos de planificación e xestión existentes.

Orzamento Deputación de Ourense: 323.650 euros (25% F.P.: 80.912,5 euros).

Cofinanciamento FEDER: 75% (242.737,50 euros)

Anos duración: 3 anos (2017, 2018 e 2019)